Amjad Islam Amjad - - Shayari

**ikra** · Number of posts: 1950 Registration date: 2008-09-14

bheed main ik ajnabi ka samna achha laga
sub se chhup ker wo kisi ka dekhhna achha laga
dil main kitne ehd bande thhe bhulane k usse
wo mila to sub irade todrna achha laga
uss adooye jan ko amjed main bura kaise kahoon
jub b aaya samne wo be wafa achha laga

**ikra** · Number of posts: 1950 Registration date: 2008-09-14

Abhi to rutt badalni thi , abhi to phool khilne thay
Abhoi to raat dhelni thi , abhi to zakhm silne thay

Abhi to sir-zameen-e-jaan pe ik baadil ko ghirna tha
Abhi to wasl ki barish main nang-e-paaon phirna tha

Abhi to kisht-e-ghum main ik khushi ka khwab bona tha
Abhi to sainkaron sochi huee baaton ko hona tha

Abhi to saahilon per ik hawa-e-shaad chalni thi
Abhi jo chal rahi hai , ye to kuch din baad chalni thi

**ikra** · Number of posts: 1950 Registration date: 2008-09-14

khwaaboN ki dekh-bhaal meN aaNkheN ujaR gayii
tanhaa`iiyoN ki dhuup ne chehraa jalaa diyaa

lafzoN ke joRne meN ibaadat bikhar chalii
aa`iine DhuuNDne meN ka`ii aks kho gaye
aaye na phir wo lauT ke ik baar jo gaye

wo din, wo waqt,rut wo, wo mausam wo sar khushii
ai gardish-e-Hayaat, ay raftaar-e-maah-o-saal!
kyaa jamm`a is zameen pe hogay na phir kabhii?
jo hamsafar firaaq ki dal-dal meN kho gaye
patte jo gir ke peR se, rastoN meN kho gaye

kyaa phir kabhi na lauT ke aayegi wo bahaar
kyaa phir kabhi na aaNkh meN utaregi wo dhanak
jis ke vafoor-e-raNg se
jhalkii hu`ii hawaa.. kartii hai aaj tak
ik zulf meN sajay huve phuloN kaa intezaar!

lamhe zameen-e-hijr ke phailay kuChh iss tarah
reg-e-ravaan-e-dasht ki (tamsheel ?tamsheed?) ho gayii

iss dasht par saraab meN bhaTke haiN iss qadar
naqsh-e-qadam thay jitne bhi, paa-maal ho gaye
ab tau kahiiN pe khatm ho rastaa gumaan kaa
sheeshe meN dil ke saare yaqeeN baal ho gaye

jis waaqiye ne aaNkh se Cheenii thi meri neeNd
uss waaqiye ko ab tau... ka`ii saal ho gaye !!

rose2

**ikra** · Number of posts: 1950 Registration date: 2008-09-14

jo baat nahi kartey
un booltey rangooN maiN
maiNey tumhey socha hai!
jo dil sey guzertey haiN
un ajnabi rastooN maiN
maiNey tumhey dekha hai!

kahney key ley tum sey,
baatieN tu bohat si haiN
alfaz nahi miltey!
jo meri nazar maiN haiN
is saher key bagooN maiN
woh phool nahi kihltey!

maiNey tumhey jana hai
azhar key rishtooN sey
jis tarha koii bandha
darhti par nazar daley
ek baar khuda ho key!

rose2

**ikra** · Number of posts: 1950 Registration date: 2008-09-14

iss subh-e-zindagii se sanaashaa nahiiN huuN maiN
lagataa yehii hai niiNd se jaagaa nahiiN huuN maiN

ik harf-e-raaygaaN sahii, yaaro, mira vajuud
kaise kahuuN Kitaab kaa hissaa nahiiN huuN maiN

darpesh subh-o-shaam hai, ye kaisii kash-ma-kash
kaise banuuN maiN uss kaa, k apnaa nahiiN huuN maiN

mujh ko fareeshtaa hone kaa d`aavaa nahiiN, magar
jitnaa buraa samajhte ho, utnaa nahiiN huuN maiN

is tarah pher-pher ke baateN na kiijiye
lehjay kaa rukh samajhtaa huuN, bachchaa nahiiN huuN maiN

dekhii hu`ii si lagtii hai, har reh-guzaar kyuuN
inn bastiyoN se pehle tau guzraa nahiiN huuN maiN

rose2

**ikra** · Number of posts: 1950 Registration date: 2008-09-14

laboN pe phool khiltay haiN kisi ke naam se pahlay
diloN ke deep jaltay hain charagh-e sham se pahlay

kabhi manzar badalnay par bhi qisa chal nahiN pata
kahani khatam hoti hai kabhi anjam se pahlay

yahi taray tumhari ankh ki chilmaN maiN rehtay thay
yahi suraj nikalta tha tumharay bam se pahlay

diloN ki jagmagati bastiyaN taraj kartay hain
yahi jo log lagtay hain nahiyat aam se pahlay

hoye hai sham jungle main piranday loa'tay hooN gaye
ab in ko kis tarah rokaiN nawah-e dam se pahlay

ya saray rang murda thay tumhari shakal bannay tak
ya saray harf mohmal thay tumharay naam se pahlay

howa hai wo agar munsaf tu Amjad ihtiyataN ham
saza tasleem kartay hain kisi ilzam se pahlay

rose2

**ikra** · Number of posts: 1950 Registration date: 2008-09-14

kahaa.N aake rukane the raaste kahaa.N mo.D thaa use bhuul jaa

kahaa.N aake rukane the raaste kahaa.N mo.D thaa use bhuul jaa
vo jo mil gayaa use yaad rakh jo nahii.n milaa use bhuul jaa

vo tere nasiib kii baariishe.n kisii aur chhat pe baras ga_ii
dil-e-beKhabar merii baat sun use bhuul jaa use bhuul jaa

mai.n to gum thaa tere hii dhyaan me.n terii aas me.n tere gumaan me.n
havaa kah ga_ii mere kaan me.n mere saath aa use bhuul jaa

tujhe chaa.Nd ban ke milaa thaa jo tere saahilo.n pe khilaa thaa jo
vo thaa ek dariyaa visaal kaa so utar gayaa use bhuul jaa

rose2

**ikra** · Number of posts: 1950 Registration date: 2008-09-14

Khud apane liye baiTh ke soche.nge kisii din

Khud apane liye baiTh ke soche.nge kisii din
yuu.N hai ki tujhe bhuul ke dekhe.nge kisii din

bhaTake hue phirate hai.n ka_ii lafz jo dil me.n
duniyaa ne diyaa vaqt to likkhe.nge kisii din

hil jaaye.nge ik baar to arsho.n ke dar-o-baam
ye Khaak_nashii.n log jo bole.nge kisii din

aapas kii kisii baat kaa milataa hii nahii.n vaqt
har baat ye kahate hai.n ke baiThe.nge kisii din

ai jaan terii yaad ke be-naam parinde
shaaKho.n pe mere dard kii utare.nge kisii din

jaatii hai kisii jhiil kii gaharaa_ii kahaa.N tak
aa.nkho.n me.n terii Duub ke dekhe.nge kisii din

Khushbuu se bharii shaam me.n jugnuu ke qalam se
ik nazm tere vaaste likkhe.nge kisii din

soye.nge terii aa.Nkh kii Khlvat me.n kisii raat
saaye me.n terii zulf ke jaage.nge kisii din

Khushbuu kii tarah ,asl-e-sabaa Khaak numaa se
galiyo.n se tere shahar kii guzare.nge kisii din

'Amjad' hai yahii ab ke kafan baa.Ndh ke sar se
us shahar-e-sitam_gaar me.n jaaye.nge kisii din

rose2

**ikra** · Number of posts: 1950 Registration date: 2008-09-14

dil ke dariyaa ko kisii roz utar jaanaa hai
itanaa besimt na chal lauT ke ghar jaanaa hai

us tak aatii hai to har chiiz Thahar jaatii hai
jaise paanaa hii use asl me.n mar jaanaa hai

bol ai shaam-e-safar rang-e-rihaa_ii kyaa hai
dil ko rukanaa hai ki taaro.n me.n Thahar jaanaa hai

kaun ubharate hue mahataab kaa rastaa roke
us ko har taur suu-e-dasht-e-sahar jaanaa hai

mai.n khilaa huu.N to isii Khaak me.n milanaa hai mujhe
vo to Khushbuu hai use agale nagar jaanaa hai

vo tere husn kaa jaaduu ho ke meraa Gam-e-dil
har musaafir ko isii ghaaT utar jaanaa hai

rose2

**Rabia** · Subject: Re: Amjad Islam Amjad - - Shayari Sun Nov 02, 2008 2:20 pm

_________________

Shayari, Urdu Shayari, Funny Shayari, Love Shayari, Sad Shayari

**ikra** · Number of posts: 1950 Registration date: 2008-09-14

**Rabia** · Subject: Re: Amjad Islam Amjad - - Shayari Sun Nov 02, 2008 3:00 pm

_________________

Shayari, Urdu Shayari, Funny Shayari, Love Shayari, Sad Shayari

**ikra** · Number of posts: 1950 Registration date: 2008-09-14

**ikra** · Number of posts: 1950 Registration date: 2008-09-14

**ikra** · Number of posts: 1950 Registration date: 2008-09-14