Faiz Ahmed Faiz Shayari - - Post Here - -

**ikra** · Number of posts: 1950 Registration date: 2008-09-14

ye kis Khalish ne phir is dil mein aashiyaanaa kiyaa
phir aaj kis ne suKhan ham se Gaayebaanaa kiyaa

Gam-e-jahaan ho, ruKh-e-yaar ho ke dast-e-uduu
salook jis se kiyaa hamane aashiqaanaa kiyaa

the Khaak-e-raah bhii ham log qahar-e-tuufaan bhii
sahaa to kyaa na sahaa aur kiyaa to kyaa na kiyaa

Khushaa ke aaj har ik mudda_ii ke lab par hai
vo raaz jis ne hamen raand-e-zamaanaa kiyaa

vo hiilaagar jo vafaajuu bhii hai jafaaKhuu bhii
kiyaa bhii "Faiz" to kis but se dostaanaa kiyaa

rose2

**ikra** · Number of posts: 1950 Registration date: 2008-09-14

tumhaarii yaad ke jab zaKhm bharane lagate hai.n
kisii bahaane tumhe.n yaad karane lagate hai.n

hadiis-e-yaar ke unavaa.N nikharane lagate hai.n
to har hariim me.n gesuu sa.Nvarane lagate hai.n

har ajanabii hame.n maharam dikhaa_ii detaa hai
jo ab bhii terii galii galii se guzarane lagate hai.n

sabaa se karate hai.n Gurbat-nasiib zikr-e-vatan
to chashm-e-subah me.n aa.Nsuu ubharane lagate hai.n

vo jab bhii karate hai.n is nutq-o-lab kii baKhiyaagarii
fazaa me.n aur bhii naGme.n bikharane lagate hai.n

dar-e-qafas pe a.Ndhere kii muhar lagatii hai
to "Faiz" dil me.n sitaare utarane lagate hai.n

rose2

**ikra** · Number of posts: 1950 Registration date: 2008-09-14

Aj ek harf ko phir dhoondta phirta hai khayal

Aj ek harf ko phir dhoondta phirta hai khayal
Mad bharA harf koi, zahar bharA harf koi
Dil-nashin harf koi, qahar bharA harf koi
Aj ek harf ko phir dhoondta phirta hai khayal

harf-e-ulfat koi dildAr-e-nazar ho jaise
jis-se milti hai nazar bosA-e-lab ki surat
itna roshan ke sare-mauja-e-zar ho jaise
sohbat-e-yaar me AghAz-e-tarab ki surat
harf-e-nafrat koi shamsheer-e-ghazab ho jaise
Aj ek harf ko phir dhoondta phirta hai khayal

tA AbAd shahre-sitam jis-se tabAh ho jAyen
itnA tariq ke shamshAn ki shab ho jaise
lab pe lAoon to mere honTh siyAh ho jAyen
Aj ek harf ko phir dhoondta phirta hai khayal

**ikra** · Number of posts: 1950 Registration date: 2008-09-14

husn marHoon-e-josh-e-baada-e-naaz
ishq minnat-kash-e-fusoon-e-niyaaz

dil ka har taar larzish-e-paiham
jaaN ka har rishta waqf-e-soz-o-gudaaz

sozish-e-dard-e-dil kise maaloom
kaun jaane kisii ke ishq ka raaz

merii KhaamoshiyoN meN larzaaN hai
mere naale ki gum-shudaa aavaaz

ho chuka ishq ab havas hi sahii
kyaa kareN farz hai adaa-e-namaaz

too hai aour ik taghaaful-e-paiham
maiN hooN aour iNtezaar-e-be-aNdaaz

Khauf-e-naakaami-e-ummiid hai ''faiz''
varnaa dil toRh de tilism-e-majaaz

rose2

**ikra** · Number of posts: 1950 Registration date: 2008-09-14

Aaiye haath uThaayein ham bhi
Ham jinhein rasm-e-dua yaad nahin
Ham jinhein soz-e-mohabbat k siwa
Koi butt koi khuda yaad nahi
Aaiye arz guzaarein k nigaar-e-hasti
Zehr-e-imroz mein sheereeni-e-farda bhar de
Wo jinhein taab-e-giraaN-baari-e-ayyaam nahin
Un ki palkoN pe shab-o-roz ko halka kar de
Jin ki aankhon ko rukh-e-subha ka yaara bhi nahin
Un ki raatoN mein koi shammeiN munawwar kar de
Jin k qadmoN ko kisi raah ka sahaara bhi nahin
Un ki nazroN pe koi raah ujaagar kar de
Jin ka deeN peirvi-e-kizb-o-rayaa hai un ko
Himmat-e-kufr mile,jurrat-e-tehqeeq mile
Jin k sar muntazir-e-taigh-e-jafaa hain un ko
Dast-e-qaatil ko jHaTak dene ki tofeeq mile
Ishq ka sirr-e-nehaaN jaan tapaaN hai jis se
Aaj iqraar karein aur tapish miT jaaye
Harf-e-haq dil mein kHaTakta hai jo kaanTe ki tarha
Aaj izhaar karein aur khalish miT jaaye...

**ikra** · Number of posts: 1950 Registration date: 2008-09-14

Pandar Kay Kho'gar Ko
Nakaam Bhi Dekho Gay ?
Aghaz Say Waqif Ho
Anjaam Bhi Dekho Gay ?

Rungeeni Duniya Se
Mayoos Sa Ho Jana
Dukhta Howa Dil Ley Kar
Tanhaye Main Kho Jana

Tarsi Hoi Nazro'n Ko
Hasrat Say Jhuka Lena
Faryaad Kay Tukro'n Ko
Aaho'N MaiN Chupa Lena

Raato'N Ki Khamoshi MaiN
Chup Kar Kabhi Ro Lena
Majboor Jawani Kay
Malboos Ko Dho Lena

Jazbaat ki Wusa't ko
Sajdo'N Say Basa Lena
Bhooli Hoi Yaado'N Ko
Seenay Se Laga Lena

rose2

**ikra** · Number of posts: 1950 Registration date: 2008-09-14

dil ko eHsaas se do-chaar na kar denaa thaa
saaz-e-Khwaabiida ko bedaar na kar denaa thaa

apne maasoom tabassum ki faraavaanii ko
vus'at-e-diid pe gulbaar na kar denaa thaa

shuaq-e-majboor ko bas ek jhalak dikhlaakar
vaaqif-e-lazzat-e-takraar na kar denaa thaa

chashm-e-mushtaaq kii Khaamosh tamannaa'oN ko
yak-b-yak maa'il-e-guftaar na kar denaa thaa

jalva-e-husn ko mastoor hii rahne do
hasrat-e-dil ko gunaHgaar na kar denaa thaa

rose2

**ikra** · Number of posts: 1950 Registration date: 2008-09-14

meraa dard naGmaa-e-besadaa
merii zaat zarraa-e-benishaa.N
mere dard ko jo zubaa.N mile
mujhe apanaa naam-o-nishaa.N mile
merii zaat ko jo nishaa.N mile
mujhe raaz-e-nazm-e-jahaa.N mile
jo mujhe ye raaz-e-nihaa.N mile
merii Khaamoshii ko bayaa.N mile
mujhe qaayanaat kii saravarii
mujhe daulat-e-do-jahaa.N mile

[naGmaa-e-besadaa=voiceless song; zaat=existence]
[zarraa=atom; benishaa.N=that which leaves no mark]
[raaz-e-nazm-e-jahaa.N=the secret of ruling the universe]
[raaz-e-nihaa.N=hidden secret]
[qaayanaat=universe; saravarii=lordship]

rose2

**ikra** · Number of posts: 1950 Registration date: 2008-09-14

tum jo pal ko Thahar jaao to ye lamhe.n bhii
aanevaale lamho.n kii amaanat ban jaaye.N
tum jo Thahar jaao to ye raat, mahataab
ye sabzaa, ye gulaab aur ham dono.n ke Khvaab
sab ke sab aise mubaham ho.n ki haqiiqat ho jaaye.N
tum Thahar jaao ki unavaan kii tafasiir ho tum
tum se talKhii-e-auqaat kaa mausam badale
raat to kyaa badalegii, haaalat to kyaa badale.nge
tum jo Thahar jaao to merii zaat kaa mausam badale
mahaarbaa.N ho ke na Thaharo to phir yuu.N Thaharo
jaise pal bhar ko ko_ii Khvaab-e-tamannaa Thahare
jaise daravesh-e-madaa-nosh ke pyaale me.n kabhii
ek do pal ke liye talKhii-e-duniyaa Thahare
Thahar jaao ke madaarat maikhaane se
chalate chalate ko_ii ek-aadh subuu ho jaaye
is se pahale ke ko_ii lamhaa aa_indaa ka tiir
is tarah aaye ke pevast-e-guluu ho jaaye

rose2

**ikra** · Number of posts: 1950 Registration date: 2008-09-14

shaiKh saahab se rasm-o-raah na kii
shukr hai zindagii tabaah na kii

tujh ko dekhaa to ser-e-chashm hue
tujh ko chaahaa to aur chaah na kii

tere dast-e-sitam kaa ajz nahii.n
dil hii kaafir thaa jis ne aah na kii

the shab-e-hijr kaam aur bahut
ham ne fikr-e-dil-e-tabaah na kii

kaun qaatil bachaa hai shahar me.n 'Faiz'
jis se yaaro.n ne rasm-o-raah na kii

rose2

**ikra** · Number of posts: 1950 Registration date: 2008-09-14

dasht-e-tanhaa_ii me.n ai jaan-e-jahaa.N larzaa.N hai.n
terii aavaaz ke saaye tere ho.nTho.n ke saraab
dasht-e-tanhaa_ii me.n duurii ke Khas-o-Khaak tale
khil rahe hai.n tere pahaluu ke saman aur gulaab

uTh rahii hai kahii.n qurbat se terii saa.Ns kii aa.Nch
apanii Khushbuu me.n sulagtii hu_ii maddham maddham
duur ufaq par chamakatii hu_ii qatraa qatraa
gir rahii hai terii dil_daar nazar kii shabnam

us qadar pyaar se ai jaan-e jahaaN rakkhaa hai
dil ke ruKhsaar pe is vaqt terii yaad ne haath
yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat

**Rabia** · Subject: Re: Faiz Ahmed Faiz Shayari - - Post Here - - Sat Nov 01, 2008 5:21 pm

_________________

Shayari, Urdu Shayari, Funny Shayari, Love Shayari, Sad Shayari

**ikra** · Number of posts: 1950 Registration date: 2008-09-14

**ikra** · Number of posts: 1950 Registration date: 2008-09-14

**ikra** · Number of posts: 1950 Registration date: 2008-09-14