Faiz Ahmed Faiz Shayari - - Post Here - -

**Admin** · Admin Number of posts: 17 Age: 20 Registration date: 2008-09-13

**ikra** · Number of posts: 1950 Registration date: 2008-09-14

mujh ko shikwa hai meray bhai keh tum jaate hooay
le gaye sath meri umr-e ghuzishta ki kitaab
is mein tau meri bohut kimati tusweerien thein
is mein buchpun tha mera, aur mera aihd-e shabab

is ke badle mujhe tum de gaye jaate jaate
apnay ghum ka yeh dumakta hua khoon rung golaab
kya karoon bhai, yeh aizaz mein kyoon ker pehnoon
mujh se le lo meri sub chaak qamizoon ka hisaab

aakhri baar hai, lo maan lo ik yeh bhi sawaal
aaj tuk tum se mein lota nahin mayoos-e jawaab
aa ke le ja'o tum apna yeh damukta hua phool
mujh ko lota do meri umr-e ghazishta ki kitaab

(Faiz had written this upon the death of his brother.)

**ikra** · Number of posts: 1950 Registration date: 2008-09-14

naakaam aashik

raaz-e-ulfat chhupaa ke dekh liyaa
dil bahut kuchh jalaa ke dekh liyaa.

vah mere ho ke bhii mere na hue
un ko apanaa banaa ke dekh liyaa.

aur kyaa dekhane ko baakii hai
aap se dil lagaa ke dekh liyaa.

faiz, taqamiiil-e-Gam bhii ho na sake
ishk ko aazamaa ke dekh liyaa

rose2

**ikra** · Number of posts: 1950 Registration date: 2008-09-14

"Teri Samundar Ankhon Mein"

Yah dhup kinara shaam dhalen,
Milte hain dono waqt jahan,
Jo raat na din, jo aaj na kal,
pal bhar ko amar, pal bhar mein dhuaan
Is dhup kinaare pal do pal.
Hothon ki lapak
Baahon ki khanak
Yah mel hamaara jhooth na sach
Kyon raar karen, kyon dosh dharen
kis kaaran jhoothi baat karen
Jab teri samandar aankhon mein
Is shaam ka suraj dubega
Sukh soyenge ghar dar waale
Aur rahi apni rah lega

rose2

**ikra** · Number of posts: 1950 Registration date: 2008-09-14

nahii.n nigaah me.n manzil to justajuu hii sahii
nahii.n visaal mayassar to aarazuu hii sahii

na tan me.n Khuun faraaham na ashk aa.Nkho.n me.n
namaaz-e-shauq to vaajib hai be-vazuu hii sahii

kisii tarah to jame bazm maikade vaalo
nahii.n jo baadaa-o-saaGar to haa-o-huu hii sahii

gar intazaar kaThin hai to jab talak ai dil
kisii ke vaada-e-fardaa kii guftaguu hii sahii

dayaar-e-Gair me.n maharam agar nahii.n ko_ii
to 'Faiz' zikr-e-vatan apane ruu-ba-ruu hii sahii

**ikra** · Number of posts: 1950 Registration date: 2008-09-14

bahaar aa_ii

bahaar aa_ii to jaise ek baar
lauT aaye hai.n phir adam se
vo Khvaab saare, shabaab saare
jo tere ho.nTho.n pe mar miTe the
jo miT ke har baar phir jiiye the
nikhar gaye hai.n gulaab saare
jo terii yaado.n se mushk_buu hai.n
jo tere ushshaaq kaa lahuu hai.n

ubal pa.De hai.n azaab saare
malaal-e-ahavaal-e-dostaa.N bhii
Khumaar-e-aaGosh-e-mahavashaa.N bhii
Gubaar-e-Khaatir ke baab saare
tere hamaare
savaal saare, javaab saare
bahaar aa_ii to khul gaye hai.n
naye sire se hisaab saare

[mushk_buu = musk like fragrance]
[ushshaaq = lovers; azaab = difficulties/pain]
[malaal-e-ahavaal-e-dostaa.N = sorrow at
friends' condition]
[Khumaar-e-aaGosh-e-mahvashaa.N = intoxication
of being in one's beloved's embrace]

Written in April 1975
Published in 'Shaam-e-Shahr-e-YaaraaN'

rose2

**ikra** · Number of posts: 1950 Registration date: 2008-09-14

Guloon mien Rang Bharay Bad-e-Nobahar Chalay
Chalay b aao Kay Gulshan ka Karobaar chalay

Qafas Udaas hai Yaaro !! Saba Se Kuch Tou Kaho
Kahien Tou Behr-e-Khuda Aaj Zikr-e-Yaar Chalay

Jo Hum Pay Guzri So Guzri Magar Shab-e-Hijraan
Humare Ashk Teri Aqbat sanwaar chalay

Muqaam Faiz koi Raah Mien Jacha hee Nahi
Jo koy-e-Yaar Se Nikle Tou Soy-e-Daar Chalay...

rose2

**ikra** · Number of posts: 1950 Registration date: 2008-09-14

Chhinti hui nazron se jazbaat ki dunyaayen
Be khwaabian afsaney betaab tamannayen

Kuchh uljhee hui baten kuchh behke huye naghme
Kuchh ashk jo aankhon se be wajha chhalak jaayen

rose2

**ikra** · Number of posts: 1950 Registration date: 2008-09-14

garmii-e-shauq-e-nazzaaraa kaa asar to dekho
gul khile jaate hai.n vo saayaa-e-dar to dekho

aise naadaa.N to na the jaa.N se guzaranevaale
naasiho, rahabar-o-raahaguzar to dekho

vo to vo hai.n tumhe.n ho jaayegii ulfat mujhase
ek nazar tum meraa mahabuub-e-nazar to dekho

vo jo ab chaak garebaa.N bhii nahii.n karate hai.n
dekhanevaalo kabhii un kaa jigar to dekho

daaman-e-dard ko gulazaar banaa rakhaa hai
aao ek din dil-e-puraKhuu.N kaa hunar to dekho

subah kii tarah jhamakataa hai shab-e-Gam kaa ufaq
"Faiz" taabi.ndagii-e-diidaa-e-tar to dekho

rose2

**ikra** · Number of posts: 1950 Registration date: 2008-09-14

aaye kuchh abr kuchh sharaab aaye
us ke baad aaye jo azaab aaye

baam-e-miinaa se maahataab utare
dast-e-saaqii me.n aaftaab aaye

is tarah apanii Khamashii guu.Njii
goyaa har simt se jawaab aaye

'Faiz' thii raah sar basar ma.nzil
ham jahaa.N pahu.Nche kaamayaab aaye

rose2

**ikra** · Number of posts: 1950 Registration date: 2008-09-14

Hum parwarash-e-loh-o-qalam karte rahenge
Jo dil pe guzarti hai raqam karte rahenge

Asbaab-e-gham-e-ishq baham karte rahenge
Viraani-e-dauraan pe karam karte rahenge

Haan talkhi-e-ayyaam abhi aur barhe gi
Haan ahl-e-sitam mashq-e-sitam karte rahenge

Manzur yeh talkhi yeh sitam hum ko gawaara
Dam hai to madaawa-e-alam karte rahenge

Maikhana salaamat hai to hum surkhi-e-mai se
Tazzain-e-dar-o-baam-e-haram karte rahenge

Baqi hai lahu dil mein to har ashk se paida
Rang-e-lab-o-rukhsar-e-sanam karte rahenge

Ek tarz-e-taghaaful hai so woh unko mubaarak
Ek arz-e-tamanna hai so hum karte rahenge

rose2

**ikra** · Number of posts: 1950 Registration date: 2008-09-14

Aab Kay Yoon Dil Ko Saza Di Hum Nay
Us Ki Her Baat Bhula Di Hum Nay
Eik , Eik Phool Bohat Yaad Aaya
Shakh-E-Gul Jab Woh Jala Di Hum Nay
Aaj Tak Jis Pay Woh Shermatay Hain
Baat Woh Kab Ki Bhula Di Hum Nay
Sheher-E-Jahan Rakh Say Abad Hua
Aag Jab Dil Ki Bujha Di Hum Nay
Aaj Phir Yaad Bohat Aaya Woh
Aaj Phir Us Ko Dua Di Hum Nay
Koi To Baat Hia Us Main Faiz
Her Khushi Jis Pay Luta Di Hum Nay!!

rose2

**ikra** · Number of posts: 1950 Registration date: 2008-09-14

yeh saaghar sheeshey laal-o guhar
saabit hon to qeemat paatey hain
yun tukrey tukrey hon to faqat
chubhtey hain lahoo rulwaatey hain
tum nahaq tukrey chun chun kar
daaman mein chupaaye bethey ho
sheeshon ka maseeha koi nahi
kya aas lagaye bethey ho

rose2

**ikra** · Number of posts: 1950 Registration date: 2008-09-14

bahut milaa na milaa zindagii se Gam kyaa hai
mataa-e-dard baham hai to besh-o-kam kyaa hai

ham ek umr se vaaqif hai.n ab na samajhaao
ke lutf kyaa hai mere meharabaa.N sitam kyaa hai

kare na jag me.n alaav to sher kis maqasad
kare na shahar me.n jal-thal to chashm-e-nam kyaa hai

ajal ke haath ko_ii aa rahaa hai paravaanaa
na jaane aaj kii feharist me.n raqam kyaa hai

sajaao bazm Gazal gaao jaam taazaa karo
bahut sahii Gam-e-getii sharaab kam kyaa hai

lihaaz me.n ko_ii kuchh duur saath chalataa hai
vagarnaa dahar me.n ab Khizr kaa bharam kyaa hai

rose2

**ikra** · Number of posts: 1950 Registration date: 2008-09-14

ab ke yuN dil ko sazaa dii hamne

ab ke yuN dil ko sazaa dii hamne
us kii har baat bhulaa dii hamne

ek, ek phuul bahut yaad aaya
shaaKh-e-gul jab vo jalaa dii hamne

aaj tak jis pe vo shermaate haiN
baat vo kab kii bhulaa dii hamne

shah’r-e-jahaaN raaKh se aabaad huaa
aag jab dil kii bujhaa dii hamne

aaj phir yaad bahut aaya vo
aaj phir us ko du’aa dii hamne

ko’ii to baat hai us meN “Faiz”
har Khushii jis pe luTaa dii hamne