Parveen Shakir - Shayri - Post Here

**Rabia** · Subject: Re: Parveen Shakir - Shayri - Post Here Sun Nov 02, 2008 2:44 pm

manzar hai wahi thithak rahi hun
hairat se palak jhapak rahi hun

ye tu hai k mera waham hai
band ankhon se tujh ko tak rahi hun

jaise k kabhi na tha tarruf
yun milte hue jhijhak rahi hun

pahchan main teri roshani hun
aur teri palak palak rahi hun

kya chain mila hai sar jo us k
shanon pe rakhe sisak rahi hun

ik umr hui hai khud se larte
ander se tamam thak rahi hun

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:44 pm

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:45 pm

mushkil hai ab shahar main nikle koi ghar se
dastar pe bat a gai hai hoti hui sar se

barsa bhi to kis dasht k be-faiz badan par
ik umr mere khet the jis abr ko tarse

is bar jo indhan k liye kat k gira hai
chiriyon ko bara pyar tha us burhe shajar se

mehnat meri andhi se to mansub nahin thi
rahna tha koi rabt shajar ka bhi samar se

khud apne se milne ka to yara na tha mujh main
main bhir main gum ho gai tanhai k dar se

benam musafat hi muqaddar hai to kya gam
manzil ka ta'yyun kabhi hota hai safar se

pattharaya hai dil yun k koi ism parha jaye
ye shahar nikalta nahin jadu k asar se

nikle hain to raste main kahin sham bhi hogi
suraj bhi magar ayega is rah-guzar se

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:45 pm

abr-e-bahar ne
phul ka chehra
apne banafshi hath main lekar
aise chuma
phul k sare dukh
khushbu ban kar bah nikle hain

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:46 pm

rukne k samay guzar gaya hai
jana tera ab thahar gaya hai

rukhsat ki ghari khari hai sar par
dil koi do-nim kar gaya hai

matam ki faza hai shahar-e-dil main
mujh main koi shakhs mar gaya hai

bujhne ko hai phir se chashm-e-nargis
phir khwab-e-saba bikhar gaya hai

bas ik nigah ki thi us ne
sara chehara nikhar gaya hai

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:46 pm

sundar komal sapnon ki barat guzar gai janan
dhup ankhon tak a pahunchi hai rat guzar gai janan

bhor samay tak jis ne hamain baham uljhaye rakha
wo albeli resham jaisi bat guzar gai janan

sada ki dekhi rat hamain is bar mili to chup k se
khali hath pe rakh k kya saugat guzar gai janan

kis konpal ki as main ab tak waise hi sar-sabz ho tum
ab to dhup ka mausam hai barsat guzar gai janan

log na jane kin raton ki muraden manga karte hain
apni rat to wo jo tere sath guzar gai janan

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:47 pm

sabz madham roshani main surkh anchal ki dhanak
sard kamre main machalti garm sanson ki mahak

bazuon k sakht halqe main koi nazuk badan
silwaten malbus par anchal bhi kuch dhalka hua

garmi-e-rukhsar se dahki hui thandi hawa
narm zulfon se mulayam ungliyon ki cher char

surkh honton par shararat k kisi lamhen ka aks
reshami bahon main churi ki kabhi madham dhanak

sharmagin lahjon main dhire se kabhi chahat ki bat
do dilon ki dhrkanon main gunjti thi ek sada

kanpte honton pe thi Allah se sirf ek dua
kash ye lamhe thahar jayen thahar jayen zara

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:47 pm

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

sham parte hi kisi shakhs ki yad
kucha-e-jan main sada karti hai

mujh se bhi us ka hai waisa hi suluk
hal jo tera ana??? karti hai

dukh hua karta hai kuch aur bayan
bat kuch aur hua karti hai

abr barse to inayat us ki
shakh to sirf dua karti hai

masla jab bhi utha chiragon ka
faisala sirf hawa karti hai

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:48 pm

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega

_________________

Shayari, Urdu Shayari, Funny Shayari, Love Shayari, Sad Shayari

**ikra** · Number of posts: 1950 Registration date: 2008-09-14

**Rabia** · Subject: Re: Parveen Shakir - Shayri - Post Here Sun Nov 02, 2008 2:48 pm

khulegi is nazar pe chashm-e-tar ahista ahista
kiya jata hai pani main safar ahista ahista

koi zanjir phir wapas wahin par le k ati hai
kathin ho rah to chutata hai ghar ahista ahista

badal dena hai rasta ya kahin par baith jana hai
k thakta ja raha hai hamsafar ahista ahista

khalish k sath is dil se na meri jan nikal jaye
khinche tir-e-shanasai magar ahista ahista

hua hai sarkashi main phul ka apna ziyan, dekha
so jhukta ja raha hai ab ye sar ahista ahista

meri shola mizaji ko wo jangal kaise ras aye
hawa bhi sans leti ho jidhar ahista ahista

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:49 pm

khuli ankhon main sapna jagta hai
wo soya hai k kuch kuch jagta hai

teri chahat k bhige jangalon main
mera tan mor ban k nachata hai

mujhe har kaifiyat main kyon na samjhe
wo mere sab hawale janta hai

kisi k dhyan main duba hua dil
bahane se mujhe bhi talta hai

sarak ko chor kar chalna parega
k mere ghar ka kacha rasta hai

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:49 pm

khushbu hai wo to chu k badan ko guzar na jaye
jab tak mere wajud k andar utar na jaye

khud phul ne bhi honth kiye apne nim-wa
chori tamam rang ki titli k sar na jaye

is khauf se wo sath nibhane k haq main hai
kho kar mujhe ye larki kahin dukh se mar na jaye

palkon ko us ki apne dupatte se ponch dun
kal k safar main aj ki gard-e-safar na jaye

main kis k hath bhejun use aj ki dua
qasid hawa sitara koi us k ghar na jaye

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:50 pm

kuch faisala to ho k kidhar jana chahiye
pani ko ab to sar se guzar jana chahiye

har bar aeriyon pe gira hai mera lahu
maqtal main ab ba-tarz-e-digar jana chahiye

kya chal saknge jin ka faqat mas'la ye hai
jane se pahle rakht-e-safar jana chahiye

sara jwar-bhata mere dil main hai magar
ilzam ye bhi chand k sar jana chahiye

jab bhi gaye azab-e-dar-o-bam tha wahi
akhir ko kitni der se ghar jana chahiye

tohamat laga k man pe jo dushman se dad le
aise sukhanfarosh ko mar jana chahiye

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Parveen Shakir - Shayri - Post Here Sun Nov 02, 2008 2:52 pm

ku-ba-ku phail gai bat shanasai ki
us ne khushbu ki tarah meri pazirai ki

kaise kah dun k mujhe chor diya hai us ne
bat to sach hai magar bat hai ruswai ki

wo kahin bhi gaya lauta to mere pas aya
bas yahi bat hai achi mere harjai ki

tera pahlu tere dil ki tarah abad rahe
tujh pe guzre na qayamat shab-e-tanhai ki

us ne jalti hui peshani pe jo hath rakha
ruh tak a gai tasir masihai ki

_________________

Shayari, Urdu Shayari, Funny Shayari, Love Shayari, Sad Shayari