Sagar Siddiqi - Shayari - Post Here

**Rabia** · Subject: Sagar Siddiqi - Shayari - Post Here Sun Nov 02, 2008 3:04 pm

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:05 pm

azmat-e-zindagi ko bech diya
ham ne apni khushi ko bech diya

chashm-e-saqi k ik ishare pe
umr ki tishnagi ko bech diya

rind jam-o-subu pe hanste hain
shaikh ne bandagi ko bech diya

rahguzaron pe lut gai radha
sham ne bansuri ko bech diya

jagmagate hain wehshaton k dayar
aql ne adami ko bech diya

lab-o-rukhsar ke iwaz ham ne
sitwat-e-khusrawi ko bech diya

ishq behrupiya hai ai 'Sagar'
ap ne sadgi ko bech diya

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:09 pm

bat phulon ki suna karte the
ham kabhi sher kaha karte the

mashalen leke tumhare gam ki
ham andheron mein chala karte the

ab kahan aisi tabiyat wale
chot kha kar jo dua karte the

tark-e-ehsas-e-muhabbat mushkil
han magar ahl-e-wafa karte the

bikhri bikhri zulfon wale
qafile rok liya karte the

aj gulshan mein shaguf-e-sagar
shikawe bad-e-saba se karte the

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:10 pm

bargashta-e-yazdan se kuch bhul hui hai
bhatke hue insan se kuch bhul hui hai

ta hadd-e-nazar shole hi shole hain chaman mein
phulon k nigehban se kuch bhul hui hai

jis ahad mein lut jaye faqiron ki kamai
us ahad ke sultan se kuch bhul hui hai

hanste hain meri surat-e-maftun pe shagufe
mere dil-e-nadan se kuch bhul hui hai

huron ki talab aur mai-o-sagar se hai nafrat
zahid tere irfan se kuch bhul hui hai

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:10 pm

bhuli hui sada hun mujhe yad kijiye
tum se kahin mila hun mujhe yad kijiye

manzil nahin hun khizr nahin rahzan nahin
manzil ka ranta hun mujhe yad kijiye

meri nigah-e-shauq se har gul hai dewta
main ishq ka khuda hun mujhe yad kijiye

nagmon ki ibtida thi kabhi mere nam se
ashkon ki intaha hun mujhe yad kijiye

gum-sum khari hain donon jahan ki haqiqaten
main un se kah raha hun mujhe yad kijiye

"Sagar" kisi ke husn-e-tagaful shar ki
bahki hui ada hun mujhe yad kijiye

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:10 pm

chandni ko rusul kahta hun
bat ko bausul kahta hun

jagmagate hue sitaron ko
tere pairon ki dhul kahta hun

jo chaman ki hayat ko das le
us kali ko babul kahta hun

ittefaqan tumhare milne ko
zindagi ka husul kahta hun

ap ki sanwali si surat ko
zauq-e-yazdan ki bhul kahta hun

jab mayassar ho sagar-o-mina
barqparon ko phul kahta hun

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:11 pm

chupaye dil mein gamon ka jahan baithe hain
tumhari bazm mein ham bezaban baithe hain

ye aur bat k manzil pe ham pahunch na sake
magar ye kam hai k rahon ko chan baithe hain

fugan hai dard hai soz-o-firaq-o-dag-e-alam
abhi to ghar mein bahut mehrban baithe hain

ab aur gardish-e-taqdir kya satayegi
luta k ishq mein nam-o-nishan baithe hain

wo ek lafz-e-mohabbat hi dil ka dushman hai
jise shariat-e-ehsas man baithe hain

hai maikadon ki baharon se dosti 'Sagar'
baraye had-e-yaqin-o-guman baithe hain

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:11 pm

dukh dard ki saugat hai dunya teri kya hai
ashkon se bhari rat hai dunya teri kya hai

kuch log yahan nur-e-sahar dhundh rahe hain
tarik si ik rat hai dunya teri kya hai

paband-e-mashiyat hai tanaffus bhi nazar bhi
ik jazya-e-lamhat hai dunya teri kya hai

taqdir k chehre ki shikan dekh raha hun
aina-e-halat hai dunya teri kya hai

majruh-e-taqaddus hai taqaddus ki haqiqat
rudad-e-kharabat hai dunya teri kya hai

"Sagar" mein chalkate hain samawat k israr
saqi ki karamt hai dunya teri kya hai

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:11 pm

ek muddat hui ek zamana hua
khak-e-gulshan mein jab ashiyana hua

zulf-e-barham ki jab se shanasai hui
zindagi ka chalan mujremana hua

phul jalte rahe chand hanste raha
arzu ka muqammal fasana hua

dag dil k shahanshah k sike bane
dil ka muflis-kada jab khazana hua

rahbar ne palat kar na dekha kabhi
rahr-o-raste ka nishana hua

ham jahan bhi gaye zauq-e-sajda liye
har jagah ap ka astana hua

dekh mizarab se khun tapkane laga
saz ka tar marg-e-tarana hua

pahle hoti thi koi wafa-parawari
ab to "Sagar" ye qissa purana hua

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:15 pm

ek wada hai kisi ka jo wafa hota nahin
marmari taron bhari raton mein kya hota nahin

ji mein ata hai ulat dein un k chehre se naqab
hausla karte hain lekin hausla hota nahin

shama jis ki abru par jan de de jhum kar
wo patanga jal to jata hai fana hota nahin

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:16 pm

hai dua yad magar harf-e-dua yad nahin
mere nagmat ko andaz-e-nawa yad nahin

main ne palkon se dar-e-yar pe dastak di hai
main wo sahil hun jise koi sada yad nahin

main ne jin k liye rahon mein bichaya tha lahu
ham se kahte hain wahi ahd-e-wafa yad nahin

kaise bhar ain sar-e-sham kisi ki ankhen
kaise tharrae charagon ki ziya yad nahin

sirf dhundhlai sitaron ki chamak dekhi hai
kab hua kaun hua kis se khafa yad nahin

zindagi jabr-e-musalasal ki tarah katti hai
jane kis jurm ki pai hai saza yad nahin

ao ik sajda karen alam-e-madhoshi mein
kahte hain k "Sagar" ko Khuda yad nahin

_________________

Shayari, Urdu Shayari, Funny Shayari, Love Shayari, Sad Shayari

**ikra** · Number of posts: 1950 Registration date: 2008-09-14

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:16 pm

rudad-e-muhabbat kya kahye kuch yad rahi kuch bhul gaye
do din ki masrrat kya kahye kuch yad rahi kuch bhul gaye

jab jam diya tha saqi ne jab daur chala tha mahfil mein
wo hosh k sath kya kahye kuch yad rahi kuch bhul gaye

ehsas k maikhane mein kahan ab fikr-o-nazar ki qandilen
alam ki shiddat kya kahye kuch yad rahi kuch bhul gaye

ab apni haqiqat bhi "Sagar" berbt kahani lagti hai
dunya ki haqiqat kya kahye kuch yad rahi kuch bhul gaye

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:17 pm

_________________

Shayari, Urdu Shayari, Funny Shayari, Love Shayari, Sad Shayari

**Rabia** · Subject: Re: Sagar Siddiqi - Shayari - Post Here Sun Nov 02, 2008 3:17 pm

tere daman ki hawa mangte hain
ham bhi jine ki dua mangte hain

mutribo koi achuta nagma
saz ahang-o-sada mangte hain

mah-o-anjum k jharoke aksar
kisi k ariz ki dua mangte hain

phir patangon mein Khudai jagi
shole hashr-numa mangte hain

banda-parwar koi khairat nahin
ham wafaon ka sila mangte hain

maikada ho k kalisa Sagar
sari duniya ka bhala mangte hain

_________________

Shayari, Urdu Shayari, Funny Shayari, Love Shayari, Sad Shayari